நாராயன்பூர்(2)

நாரயன்பூர்(2)                          

ஷிவ்பூர் டோல்கேட் தாண்டியதும் சிறிது நேரத்தில் பூனா எல்லை வந்தது.
11 மணி கோவில் வாசலில் இருந்தோம். பூனா மண்ணில் காலடி வைத்ததும்
உடம்பு, மனது பூராவும் ஒரு சிலிர்ப்பு. 15 வருடங்கள் வாழ்ந்த ஊர். வாழ்க்கை
தொடங்கியதே இங்குதான். சிரிப்பும், சந்தோஷமும், சோகமும் துக்கமும் என்றுகலந்துகட்டி அனுபவங்களைத்தந்த ஊர். அந்த உணர்வுகள் எல்லாம் மனதில்தோன்றி கண்களில் கண்ணீரைத்தேக்கி விட்டது.மற்றவர்கள் பார்த்தா என்னாச்சுன்னு கேப்பார்களென்னு கண்ணிரைக்காட்டாமல் இரிக்க ரொம்ப சிரமப்பட்டேன்.பூனாவை விட்டு இப்ப 35- வருடங்களுக்கு மேலேயே ஆச்சு. ஆனாலும் கூட நம்மனதுக்கு எவ்வளவு ஞாபக சக்தி இருக்கு.

பாலாஜி கோவில் சின்ன திருப்பதி போலவே செய்திருந்தார்கள்.விஸ்தாரமாக
ஓரளவு பெரிதாகவே இருந்தது. அதே சமயம் சுத்தமாகவும் இருந்தது. எல்லாரும்செருப்பை வெளியில் போட்டுவிட்டு உள்ளே போனோம். நாங்க போன சமயம்அவ்வளவா கூட்டமில்லை. நேரா பாலாஜி சன்னிதி போயாச்சு. அரெக்டாக தீபாராதனை,ஆரத்தி சமயம். கண்குளிர தரிசனம் கிடைத்தது,பத்மாவதி தாயார் சன்னிதிகுபேரர் சன்னதி, ஆஞ்ச நேயர் சன்னதி என்று ஆனன்தமான தரிசனங்கள்.கோவிலைவிட்டு வெளியில் வரும் போது பிரசாதமாக பெரிய லட்டு எல்லாருக்குமே கொடுக்கிறார்கள். மிகவும் நல்ல சுவையான லட்டு. பிரகாரத்திலேயே உக்காந்து சாப்பிட்டு சில
போட்டோக்கள் எடுத்து பேசிண்டு இருந்தோம்.

                                           
                                          

அங்கேந்து கிளம்பி நாராயனேஸ்வர்னு ஒரு கோவில் போனோம்.மிகவும் புராதனமானகோவில்.பூரா,பூரா கல் கட்டிடம்.உள்ளே இருட்டாகவும் மிக குளிர்ச்சியுடனும் இருந்தது.
படிக்கட்டு வழியாக உள்ளே இறங்கிபோனோம். கீழே பாதாளத்தில் நல்ல கோலடன்கவசம்தாங்கிய சிவலிங்கம் அழகாக காட்சி அளித்தார். தரையில் கருப்புக்கலரில் மார்பிளில் வட்டமாக ரவுண்டாக ஒருகல் பதித்து இருந்தது. அதில் அந்த கோல்டன் லிங்கம் பிரதிபலித்தது.
அங்கு தரிசனம் முடிந்து வெளியில் வந்தோம். சிவன்கோவில் போனால் வாசலில் ஒரு நந்திபகவான் காலை மடக்கி படுத்திருப்பார்.அங்கேயும் இருந்தார். நந்தியின் காதில் நம் குறைகளைச்சொன்னால் அவர் சிவனிடம் சொல்லி நம் குறைகளைத்தீர்த்துவைப்பார் என்று ஒரு நம்பிக்கை
உண்டு. எல்லாருமே நந்தியிடம் சென்றார்கள். ஆனா பாவம் அந்த நந்தியின் காதையே காணோம்.யாரோ உடைத்திருக்கலாம்.

                                                 


அடுத்து திகம்பரார் கோவில்போனோம். அங்கு சங்கு சக்ரதாரியாக விஷ்ணுவின் தரிசனம் செய்தோம்.எனக்குத்தான் எல்லாம் விலாவாரியாகத்தெரிந்துகொள்ளும் ஆர்வம் உண்டே. அங்கேயும் சில சந்தேகங்கள். அதாவது நாராயனேஸ்வர் என்றால் விஷ்னுவைத்தானே குறிக்கும், ஆனா அங்கே சிவலிங்கமிருக்கு.திகம்பரான்னு சிவனைத்தான் சொல்வார்கள். அங்கே விஷ்னு தரிசனம் தருகிரார். ஏன் அப்படின்னு கூட
வந்தவர்களிடம் கேட்டேன் யாருக்குமே சரியான பதில் தெரியலை.சரின்னு வெளியில் வந்தோம்.அதுஒரு சின்னகிராமம்தான். கோவில் வாசலிலேயே காய்கறிக்கூடைக்காரிகள் அப்போதுதான் தோட்டத்திலிருந்து பறித்துவந்த பச்சைப்பசேல்காய்கறிகள்கீரைவகைகள்னுவியாபாரம்செய்துகொண்டிருந்தார்கள்.

லேடீஸ் சும்மா இருப்பார்களா. கூடைக்கரிகளிடம் படை எடுப்புத்தான். மும்பயில் காய்கறி விலை எல்லாம்அனைவிலை, குதிரை விலை. இங்கெ நல்ல மலிவு.அதுவும்தவிர ஃப்ரெஷா கிடைச்சுது.பச்சைப்பட்டாணி,
காலிஃப்ளவர்,குடைமிளகாய், பாலக்கீரை, வெந்தயக்கீரை, சௌளிகீரை,கொத்துமல்லிக்கிரை எல்லாமே நல்லவாசனையுடனிருந்தது. அன்று கூடைக்காரிகளுக்கு நல்ல வியாபாரம்தான் அவங்க கூடை எல்லாமே
நிமிஷமா காலி ஆச்சு. பஸ்ஸில் வந்த லேடீஸ்கைகளில்தான் கீரைக்கட்டுகளும் காய்களும் இருந்தது.அவங்களை எல்லாம் பாத்தோடன எனக்கு மாரியம்மன் கோவிலில் வேப்பிலைக்கொத்துக்கள் கைகளில்

ஏந்தி ஆடுவாங்களே அவங்களை மாதிரித்தான் தெரிந்தது.(என்ன கொழுப்பு எனக்கு)!!!!!!!!!!!!!!!!!!!!!!!!!!!!!!!!!!         
                                                              

	Tweet