ஷஷ்டி அப்த பூர்த்தி

                    

                            





சென்னையில் 9-11-11-ல் சொந்தக்கராளுக்கு ஷஷ்டி அப்த பூர்த்தி இருந்தது.  எங்க குடும்பத்தில் நான் மூத்த உறுப்பினர் என்ற வகையில் எனக்கு போன் மூலமும் பத்ரிக்கை மூலமும் அழைப்பு வந்தது. நானும் போய் கலந்துகொண்டேன். மும்பையில் நான் இருக்கும் இடத்திலிருந்து ஏர்போர்ட் போக குறைந்தது 2 .1/2மணி நேரம் ஆகும். 8-ம்தேதி காலை 10- மணிக்கே சாப்பிட்டு வீட்டைவிட்டு கிளம்பி முதலில் ஆட்டோ, பிறகு லோக்கல் ட்ரெயின், பிறகு டாக்சி என்று பிரயானம் செய்து 1-மணி ஏர்போர்ட் போனேன். என் ஃப்ளைட் 2. 1/2 மணிக்கு இருந்தது. இண்டிகொ. பட்ஜெட் ஃப்ளைட் . செக்யூரிட்டி செக், பண்ணி, போர்டிங்க் பாஸெல்லாம் வாங்கிண்டு சேர்லபோயி உக்காந்துண்டு ஒருமணி நேரம் வேடிக்கை பாத்துண்டே டயம் பாஸ்.

                               

 கரக்ட் டயத்தில் ஃப்ளைட் கிளம்பியது. ரெண்டுமணி நேரம் சும்ம உக்காந்திருக்க வேண்டி வந்தது.4. 1/2 மணி சென்னை ஏர்போர்ட். வெரும் ஹேண்ட் லக்கேஜ் மட்டுமே இருந்ததால நேரா வெளில போனேன். கூட்டிப்போக சொந்தக்காரா வந்திருந்தா. நல்லவேளை வழி விசாரிச்சுண்டு அவஸ்தைப்பட வேண்டிய வேலை மிச்சம். நங்க நல்லூரில் குருவாயூரப்பன் கோவில் பக்கம் ஒரு பெரிய ஹாலில் ஃபங்க்‌ஷன் ஏற்பாடு செய்திருந்தார்கள். போனதுமே சிரித்தமுகத்துடன்  நல்ல வரவேற்பு. மேலபோயி டிபன்காபி சாப்பிடுங்கோன்னு விருந்து உபசாரம். காலை வீட்டில் 10-மணிக்கே பேருக்குன்னு என்னமோ சாப்பிட்டு கிளம்பினதில் இப்ப நல்ல பசி இருந்தது. மேல டைனிங்க் ஹால் போயி சூடு சூடாக போண்டா கேசரி சட்னி காபி சாப்பிட்டு கீழவந்து எல்லாருடனும் சிரிச்சு அரட்டை. ரொம்ப நாள் கழிச்சுப்பார்க்கம் உறவினர்கள் பழய கதைகள் பேசிக்கொண்டிருந்தோம். வெளி ஊர்களில் இருந்து வருகிரவர்கள் ஒவ்வொருவர் ஒவ்வொரு டைமில் வந்துகொண்டே இருந்தார்கள். எல்லாரையும் ஏர்போர்ட், ரயில்வே ஸ்டேஷன் போயி கூட்டிவர ஆட்கள் கார் எல்லாம் ஏற்பாடு செய்திருந்தார்கள்.இந்தமாதிரி பங்க்‌ஷன்கள் எல்லாமே உறவு ஜனங்கள் ஒன்றாக கூடிமகிழத்தான் செய்கிரார்கள் போல இருக்கு. இல்லைனா இந்தவசர யுகத்தில் யார்வீட்டுக்குயாருக்குப்போய்வர நேரம் ஒதுக்கமுடியுது?

                                             


                              7-மணிக்கு தீப பிரதட்சிணம் ஆரம்பம் ஆனது. தெரிந்த நண்பர்களே விரும்பி வந்து  நடத்தினார்கள். நான் இதெல்லாம் பார்த்தே வருஷ் கணக்காச்சு. இப்ப பார்க்க ரொம்ப ரசிக்க முடிந்தது.முதல் ஒரு மணி நேரம் பஜனைப்பாடல்கள் பாடினா, பிறகு ஒருவர் ஐந்துமுகம் குத்துவிளக்கை கையில் எடுத்துண்டு பாடலுக்கு ஏற்ற நடன அசைவுகளுடன் நடனம் ஆடினார். நல்ல தாளக்கட்டுடன் ஆட்டம் பார்க்கவே நல்லா இருந்தது. பிறகு விளக்கை நடுவில் வைத்துவிட்டு ஆண்கள் தனியாக, பெண்கள் தனியாக கோலாட்டம் கும்மி எல்லாம் அடித்து சுற்றி சுழன்ரு ஆடினார்கள். பிறகு ஸ்ரீ மஹாவிஷ்னுவின் தசாவதாரம் ஸ்லோகம் பாட்டாகச்சொல்லி அதற்கு அபினயம் பிடித்தார்கள். பிறகு கிருஷ்னர், கோபிகை மாதிரி கைகள் கோர்த்துக்கொண்டு ஒரு நடனம் என்று வெரைட்டி ப்ரோக்ராம் இரவு 10- மணீவரை நடந்தது.எல்லாருமே என்ஞாய் செய்து ரசித்துபார்த்தார்கள்.

                                 

 அது முடிந்து மேலே டைனிங்க் ஹால் போய் அனைவருக்கு டின்னர். டிபன் ஐட்டம், இட்லி, தோசை, சப்பாத்தி, வடை சட்னி, சாம்பார், தால் சக்கரபொங்கல் என்று சுவையான டின்னர் முடிந்து கீழே வந்தோம். விருந்தினர் எல்லாருக்குமே தங்குவதற்கு நிறைய ரூம்கள் இருந்தது.கட்டில் வசதியும் இருந்தது. எல்லாரின்லக்கேஜ்களும் கட்டில்மேல் ரூம்பூராவும் நிறம்பி இருந்தது. இரவு லேடீஸ் எல்லாரும் மருதாணி இட்டூகொள்ள ஆரம்பித்தார்கள். சிரித்துபேசி மருதானி இடவே 3-மணி ஆனது. நான் ஒரு சொந்தக்காரா வீட்லபோயி இரவு தூங்கி காலை 7மணிக்கு திரும்ப ஹால் வந்தேன்.வாத்யார்கள் நிறையபேர்கள் வந்து குடங்களில் புனித நீர் நிறைத்து பூஜைகள் செய்துகொண்டிருந்தார்கள். இந்த 60-வயதை ஏன் விசேஷ்மா விமரிசையா கொண்டாடரோம்னு விளக்கம் சொன்னார் ஒரு வாத்யார்.

                       
 ஷஷ்டி அப்த பூர்த்தி தம்பதிகள் சென்னைவந்து ஒருமாதம் தான் ஆகிரது அதனால் நிறைய  நண்பர்ள் பழக்கமாகலை. ரெண்டுபேரின் உறவினர்கள், உள்ளூர், வெளி ஊர்களிருந்து வந்துகலந்துகொண்டார்கள் அதிக கூட்டம் இல்லை. அவர்களுக்கு பிள்ளைக்குழந்தை இல்லை பெண் குழந்தகள் தான் பொறுபேத்துண்டு எல்லா ஏற்பாடுகளும் செய்திருந்தார்கள்.மாப்பிளையும் பொறுப்பாக எல்லாரையும் நகு வரவேற்று உபசரித்தார். கலை ப்ரேக் ஃபாஸ்ட் மேலே போய் சாப்பிட்டு கீழே ஹாலில் வந்து ஃப்ங்க்‌ஷனை கவனித்தோம். வைதீக சடங்குகள் முறையாக ஒவ்வொன்றாக நடந்தது. தம்பதிகளுக்கு சிறியவர்கள் அபிஷேகம் செய்தார்கள். திருமாங்கல்ய தாரணாம் சிறப்பாக நடந்தது.எல்லாரும் வாழ்த்தி அட்சதை தூவினோம். வந்திருந்த உறவினர் எல்லாருக்குமே புது துணிமணிகள் கொடுத்து மறியாதை செய்தார்கள். தாம்பூல பையிலும் வெத்திலைபாக்கு பழம் தேங்காயுடன்  பெரிய முறுக்கு, அதிரசம் ம்னோகரம் லட்டு போட்டுக்கொடுத்தார்கள். சிரித்தமுகத்துடன் வரவேற்றதுபோல சிரித்தமுகத்துடன் வழி அனுப்பினார்கள்.

                                       
 ஒவ்வொருவருடனும்போட்டோ எடுத்து, பரிசுப்பொருட்கள் ஓதியிட்டு மதியம் லஞ்ச் விருந்து சாப்பிட்டு பாதிப்பேர் நங்க நல்லூர் ஆஞ்சனேயர் கோவில் குருவாயூரப்பன் கோவில் போய் தரிசனம் செய்துவந்தார்கள். நான் ப்ளாக் எழுதுவது தெரிந்த ஒருவர் என்னை அவர்வீட்டுக்கு கூட்டிப்போனார்.

                                                   

                                           


திரும்ப ஹால் வந்து பேச்சு. சிலர் என்போட்டோவை உன்ப்ளாக்ல போடுங்கோன்னு அன்பாக கேட்டுக்கொண்டார்கள், சிலர் போட்டோ போடாதீங்கோன்னு சொல்லிட்டா. கேட்டுக்கொண்டவா போட்டோமட்டும்

                                                




 போடரேன்னு சொன்னேன்.3-மணிக்குஹால் காலி பண்ணி அவாவா வேர வேர இடங்கள் போனா நான் என் தம்பி பெருகளத்தூர் என்னுமிடத்தில் ஒரு பெரியவரைப்பார்க்கப்போனோம். அங்கேந்து 5-மணிக்கு கிளம்பி ஏர்போர்ட் 6. 1/2 மணிபோனோம்.8-மணிக்கு மும்பை ஃப்ளைட் பிடிச்சு இரவு 12-மணி தம்பிவீடு.மறு நா என் வீடு வந்தேன் . இப்பல்லாம் எங்க போனாலும் எதைப்பார்த்தாலும் உங்க எல்லார்கூடவும் ஷேர்பண்ணிக்கனும்னுதான் தோனுது. அதான். இந்தப்பதிவு.

 வீடு வந்தபிறகு சின்னப்பேரன் போன் பண்ணி பாட்டி எங்கபோயிட்டுவந்தேன்னு கேட்டான். என் அத்தங்கார் வீட்டுல ஒரு ஃபங்க்‌ஷனுக்கு போயிட்டுவந்தேன் நான் அவாளுக்கு அம்மங்கார் முறை என்ரேன். உடனே பேரன், பாட்டி  எனக்கு மாருதி சென்கார், ஹூண்டாய் சாண்ட்ரோ கார்   டாடா நானோ கார்மட்டும் தெரியும் .இந்த அத்தங்கார் அம்மங்கார் எல்லாம் புதுகம்பெனி கார் பேர்போல இருக்குன்னு சொல்ரான்.
 என்னத்தைச்சொல்ல இந்தக்கால தலைமுறை குழந்தைகளிடம் உற்வு முறைகள் இந்த விதத்தில் இருக்கு. இதுவாவது தூரத்து சொந்தம். இன்னும் கொஞ்ச நாள் போனா அத்தை ,மாமா, அண்ணா, அக்கா, தங்கை தம்பின்னா கூட என்னன்னுகேக்குர நிலமை வந்துடும் போல இருக்கு. ஏன்னா இப்பல்லாம் பெரும்பாலான வீடுகளில் ஒரு குழந்தையோட நிறுத்திக்கரா. என்னோடது, எனக்கு, நான் என்னும் விதத்தில் தான் வளருது இந்தக்கால தலைமுறைகுழந்தைகள். இதுவும் காலத்தின் கட்டாயமென்று எடுத்துக்க வேண்டி இருக்கு. வேர என்ன சொல்ல?

	Tweet