மின்சாரம்.... அது மின்சாரம்

போனவாரம் ஒரு வெள்ளிக்கிழமை காலை10-டு இரவு10- வரை கரண்ட்கட். இரவு10- மணிக்கு கரண்ட்வந்தது. இவ்வளவு நேரம் போயாச்சே இனிமேல போகாதேன்னு  நினச்சு இன்வெர்ட்டர், கார்ட்லெஸ்போன், மொபைல்போன், எல்லாம் சார்ஜ் பண்ண வச்சேன். கம்ப்யூட்டர் ஆன்பண்ணி உக்காந்தேன். சடன்னா 10.30-க்கு லைட் எல்லாம் ரொம்ப பவர்ஃபுல்லா கண் கூசும்அளவுக்கு பளிச்சுனு எரிஞ்சுது. ஃபேனும் எக்கச்சக்கஸ்பீடில் சுத்த ஆரம்பிச்சது. என்னது இப்படி இருக்கேன்னு ஒவ்வொரு ஸ்விச்சா ஆஃப் பண்ணலாம்னு நினைச்சு எழுந்துபோரதுக்குள்ள  ஒயர் ஒன்னொன்னா ஸ்பார்க் வர ஆரம்பிச்சு எல்லாம் இயக்கத்தை நிறுதிச்சு. ஸ்பார்க் வந்துண்டே இருந்தது  எனக்கா, என்ன பண்ணனும்னே தெரியல்லே. ஸ்விச் ஆஃப் பண்ண தொடவே பயமாச்சு. எங்கியானும் ஷாக் அடிச்சு நம்மை தூக்கி எரிஞ்சா என்ன பண்ண? இரவு நேரம் வேர எங்க போக என்ன பண்ணனு ஒன்னும் புரியல்லே.



 அக்கம்பக்கம் வீடுகளிலும் லைட்டோ சத்தமோ எதுவுமே இல்லே. எல்லாரும் வேலைக்கு போறவங்க. 10- மணிக்கே படுக்கபோயிட்டாங்கபோல இருக்கு. என்னபண்ணனு தெரியாம வெளில போயி மாடிப்படியில் உக்காந்துட்டேன். நான் இருப்பது மூனாவதுமாடி. எல்லா இடத்திலேந்தும் ஒயர் எரியற ஸ்மெல் வருது.11-மணிக்கு வீட்டுக்குள்ள வந்தேன் எல்லா ஒயரும் எரிஞ்சு முடிஞ்சு எல்லாம் ஆஃபாயிடுத்து. சார்ஜில் வைத்த, இன்வெர்ட்டர், கார்ட்லெஸ்போன், மொபைல் கம்ப்யூட்டர்  ஃப்ரிட்ஜ்   லைட் எல்லாமே எரிஞ்சு போச்ச்சு. இரவு பூரா இருட்டிலும் வேர்வையிலுமே கழிந்தது.இத்தனைக்கும் போனவருஷம்தான் வீடு பூராவும் புதுசா ஒயரின் சேஞ்ச் பண்ணி எர்த்திங்க்லாம் பண்ணி  பெயிண்டும் பண்ணியிருந்தேன். எல்லா சாமானும் ஒரே நைட்ல எரிஞ்சு போனது மனசுக்கு ரொம்ப கஷ்ட்டமா இருந்தது.

 காலையில் தான் பில்டிங்க்ல உள்ளவா ஒவ்வொருவர்வீட்டிலும் ஒவ்வொரு சாமான் எரிஞ்சு போச்சுன்னு தெரியவந்தது. ஹை ஓல்ட்டேஜ் தான் காரணமாம். மின் வாரியக்காரர்களின் அஜாக்கிரதையினால் கஷ்ட்டம் யாருக்கு? மறு நாள்  M. S. E.B. ஆட்களுக்கு போன் பண்ணினா பொறுப்பில்லாத பதில் சொல்றா. அன்று பூராவும் வீட்ல லைட்டோ ஃபேனோ வேறு எந்த எலக்ட்ரிகல், எலக்ட்ரானிக்ஸ் ஐட்டமோ ரிப்பேர்லதான் இருந்தது.அதுக்கும் மறு நாள் தான் மின்வாரிய ஆட்கள் வந்து சரிபண்ணினா. என்வீட்டில்தான் எல்லாமே எரிஞ்சு போச்சே. ஒன்னொன்னுக்கும் ஆட்களைத்தேடி, த்தேடிப்போயி கூப்பிட்டேன். உடனே வர்வாளா? எலக்ட்ரீஷியன் முதல் நாள் வந்து எரிஞ்சுபோன ஒயர் சரிபண்ணி வேர பல்ப்(டியூப்) எல்லாம் மாத்தி, ஃபேன் காயில் எல்லாம் சேஞ்ச் பண்ணி 2000- ரூபா சார்ஜ் பண்ணினான்.இப்போ லைட் ஃபேன் சரி ஆச்சு. அடுத்து ஃப்ரிட்ஜ் காரனைக்கூப்பிட்டேன் கம்ப்ரசர் எரிஞ்சுபோச்சு மாத்தனும்னான். அடுத்த நாள் பாம்பே போயி வாங்கி வரேன்னு சொல்லி மறு நாள் வாங்கி வந்து மாத்தினான், அதுக்கு ஒரு 5000 +1000- ரூபா சார்ஜ். அப்புரமா கார்ட்லெஸ் சரிபண்ணமுடியாதுன்னு சொல்லிட்டான். அது என்பையன் வெளி நாட்டிலிருந்து வாங்கித்தந்தான். இண்டியால அதுக்கு ஸ்பேர் பார்ஸ் கிடைக்கலியாம். மொபைலும் போச்சு. கம்ப்யூட்டர் ஆள் அடுத்த நாள் வந்து மோடம் போச்சு  சி.பி,யூ போச்சுன்னு 3000-ரூபா சார்ஜ் பண்ணீனான்



செலவுக்கு செலவு, டென்ஷனுக்கு டென்ஷன்னு ஒருவாரம் எல்லாமா என்னை ஒரு வழி பண்ணிடுத்து. பசங்ககிட்ட சொன்னா உன்னையாரு தனியா இருக்கசொன்னா எங்ககூட வந்து இருக்கவேண்டியதுதான்னேன்னு  சொல்லிடுவா. அதனால யாருகிட்டயும் மூச்சே விடலை. வீட்ல சொல்ல முடியாத விஷயங்கள் கூட உங்க எல்லாரிடமும் சொல்லிக்கமுடியுது.ப்ளாக் எழுதுவதால் எனக்கு எவ்வளவு வசதி இல்லியா ?


 இப்போ வெய்யில்காலம் கூட இல்லே. ஆனாலும் டெய்லி 4 மணி நேரம் கரண்ட் கட் இருக்கு. அதுவும் வெள்ளிக்கிழமைன்னா ஸ்பெஷ்ல்ஃபுல் டைம் கட் தான்.புற நகர்பகுதில வசிக்கரவான்னாபாவப்பட்டவங்களா? எல்லாரையும் போலத்தானே வீட்டு வரி, தண்ணிவரி, லைட் பில் எல்லாம் கட்டராங்க.கரண்டும் தண்ணியும்(ஒரு நாளைக்கு காலை ஒருமணி நேரம்தான் தண்ணிவரும்) எப்பவுமே ரேஷந்தான். பாம்பே சிட்டி சைட்ல கரண்ட்கட்டோ, வாட்டர்ப்ராப்லமோ இல்லே. இங்க புற நகர்பகுதிகளில் ரொம்பவே அதிகமா இந்த தொல்லைகள் இருக்கு. மிடில் மிடில்ல ஹை ஓல்ட்டேஜ், கம் ஓல்ட்டேஜ் இதுகளையும் சமாளிக்கனும்.வெய்யில் வந்தா டெய்லி 6, மணி நேரம், 8 மணி நேரம்லாம் கரண்ட் கட் இருக்கும்.பொது ஜனங்கள் எல்லாத்துக்கும் பழகிண்டுட்டா. வேர என்ன சொல்ல?

  இவ்வளவு கரண்ட்கட்டிலும் எனக்கு மாசாமாசம் பில்மட்டும் 800- ரூபாக்கு மேலயே வருது. ஆபீசில் போயி கேட்டா, மீட்டர் ரீடிங்க்ல என்ன வருதோ அதுதானே நாங்க போட்டுருக்கோம்ன்னு சொல்ராங்க. என் ஒரு ஆளுக்கு இவ்வளவு பில் வரவே கூடாது. நாம  யூஸ்பண்ணீ  அதுக்கு செலவுபண்ணினாகூட ஓக்கே.  சும்ம அதிகமா பணம் கட்ட காசு என்ன மரத்லயா காய்க்குது?

	Tweet